Elsa Lila u rikthye në ‘Festivalin e Këngës në RTSH’ pas 15 vitesh. Në 2007-n, ajo dhe Pirro Çako kënduan “Diferenca je ti” si këngë përshëndetëse në “Festivalin e Këngës” atë vit. Këtë herë ajo u rikthye si konkurrente me “Evita”.
Kjo këngë e shkruar dhe kompozuar nga vetë ajo, i dedikohet të bijës e cila ishte mbrëmjen e djeshme në ‘Pallatin e Koncerteve’ për të mbështetur të ëmën. Kënga u prit mirë nga publiku, ndonëse një pjesë nuk e kuptoi tekstin.
Ndërkohë, Elsa ka reaguar për herë të parë pas paraqitjes së saj dhe pak orë para finales. Ajo ka bërë një postim në mediat sociale ku shkruan: “Faleminderit te gjithëve për emocionin dhe dashurinë që po më jepni! Kjo është dhurata më e bukur! Shihemi sonte në Natën e tretë.”