Meghan Markle tashmë e ka planifikuar një divorc nga Harry. Ndarja do të bëhet brenda 5 viteve, ndoshta 3. 

Pas divorcit nga monarkia angleze, Meghan Markle mendohet të ketë planifikuar edhe të divorcohej nga Harry. Brenda 5, ose mbase 3 vjetësh do ta lërë atë.

Meghan u ndje aspak rehat në Oborrin e Anglisë dhe gjeti një mënyrë për t’u çliruar nga kufizimet e protokollit dhe Pallatit, me një dalje nga skena që e bëri Kurorën të dridhej. Burri i saj e ndoqi pas në këtë zgjedhje, dhe u justifikua duke thënë se nuk kishte alternativë për ta. Por ai nuk e fshehu trishtimin e tij të thellë, për faktin që është i ndarë midis dashurive për familjen e tij të origjinës, veçanërisht për vëllain e tij Uilliam, dhe dashurisë për gruan dhe djalin e tij, Archie.

Sidoqoftë, duket se projektet e Lady Markle nuk kanë mbaruar. Masa tjetër do të jetë largimi nga Harry. Revista Globe raporton deklaratat e ekspertit të Oborrit, Uayne Dupree: “Meghan do të divorcohet nga Harry brenda 5 viteve. Ose mbase 3. Në fakt, thashethemet qarkulluan muaj më parë, për një divorc të mundshëm midis Dukës së Sussexit, që Mbretëresha madje mendohet ta ketë miratuar.

Dupree vazhdon: “Harry dëshiron një jetë të qetë, larg vëmendjes së mediave, por kjo nuk është ajo që dëshiron gruaja e tij. Meghan ndjen thirrjen e Hollivudit dhe milionat që mund të vijnë bashkë me të”. Eksperti është gjithashtu i sigurt se Lady Markle ka planifikuar gjithçka që në krye të herës.

Eshtë e bindur edhe motra e Meg, Samantha, e cila ka thënë se ish-aktorja “kaloi nëpër Familjen Mbretërore si një tornado”, dhe e tërhoqi Harry-in në vorbullën e saj. “Qëllimet e saj janë fama dhe pasuria. Objektivi i saj është Hollivudi”. Samantha është e bindur që Markle ka shfrytëzuar statusin e saj mbretëror, për të realizuar qëllimet e veta.

Globe raporton burime të tjera afër Pallatit, të cilët akuzojnë Meghan se kishte ndarë Harryn nga familja: “Kjo shkaktoi një ndarje të thellë midis Harryt dhe Uilliamit, dikur të pandashëm. E snoboi mbretëreshën më shumë se një herë dhe nuk pranoi të mbështeste Kate Middleton. Dhe pas disa muajsh, në stilin tipik të Meghan, ajo vendos të thotë mjaft dhe djeg urat, duke lënë pas një gjurmë lëndimesh dhe zemrash të thyera”.

Komentatori i Globe vazhdon se për momentin Harry dhe Meghan po ecin krah për krah, por sa do të zgjasë?

Meghan Markle, ja si e “futi në xhep” Harryn me ndihmën e të ëmës

Arsyeja e vërtetë pse Harry u martua me Meghan Markle është se ai shihte tek ajo nënën e tij, Lady Diana. Kështu thotë Dr. Phil, një psikolog i famshëm amerikan.

Me fjalë të tjera, Zonja Markle arriti të magjepste Princin e bukur, duke mishëruar të gjitha karakteristikat që e bënë dikur unike, bashkëshorten e Charlesit. Sipas ekspertit, Harry pa tek Meghan pasqyrimin e nënës së tij, që iku nga kjo botë para kohe, dhe kjo e ka shtyrë në krahët e saj.

“Diana ishte e paturpshme, e bukur dhe e pavarur dhe Harry u martua me një grua të paturpshme, të bukur dhe të pavarur”, tha Dr. Phil për TMZ, duke theksuar se Princi kurrë nuk donte të “bëhej pjesë e kopesë dhe ta ndiqte si dele”. Psikologu argumenton se Harry kurrë nuk ka menduar të përkulet para procedurave të Kurorës dhe të jetë pjesë e strukturës së rëndë të Oborrit.

Harry është një shpirt rebel si Diana dhe kërkoi një bashkëshorte, që të ishte si ai e pavarur. Vetëm se, Meghan shkoi shumë larg dhe theu rregullat e lojës. Ose më saktë, e planifikuar tashmë që para dasmës, siç pretendohet nga Globe, të bashkohej me Familjen Mbretërore, të fitonte famë dhe shikueshmëri falë titullit fisnik, duke ndjekur interesat e veta. Por mbase ajo nuk e kishte llogaritur që përkundër fuqisë bindëse dhe mbështetjes së burrit të saj, ishte e pamundur të përthyente protokollin për të bërë atë që dëshironte.

Prandaj, erdhi hapi tjetër: Megxit, ndarja nga Monarkia, marrja me vete e Harryt të cilin, megjithatë, ajo duket se dëshiron ta heqë qafe brenda 5 viteve, me një divorc. Edhe pse mund të vijë një fëmijë i dytë. Sipas asaj që raporton “Neë Idea”, Dukesha tashmë mund të mbetet shtatzënë. Dhe provat qëndrojnë në deklaratat e Misha Noon, një nga mikeshat e saj më të mira.

Pas gjithë këtyre duket se qëndron nëna e Zonjës Markle, Doria Ragland. Mësuesja e Yogas që jeton në Los Angeles, e vetmja nga familja e Meg që ka pasur kontakte me Pallatin Buckingham, e cila duket se e ka mbështetur dhe këshilluar vajzën e saj që të largohej nga Anglia, për t’u vendosur në Kanada. Harry u informua për vendimin e saj, kur qe bërë tashmë fakt i kryer. Duket gjithashtu se Doria e bindi Princin që të mbështeste Meghanin në këtë largim, pa dashur të kërkonte pajtim me Familjen Mbretërore.

Nëse po, atëherë trishtimi i Harryt bëhet i qartë.