Miley Cyrus iu rikthye sërish çështjes së divorcit duke u ndalur te vëmendja mediatike. Në një podcast me Joe Rogan, Miley u ndal te filozofia e saj në lidhje me ndarjen.
“Sapo kalova një divorc shumë publik i cili ma shpifi. Çfarë ma shpifi me të vërtetë nuk ishte fakti që unë dhe dikush tjetër që duheshim, kuptuam se nuk e donim njëri-tjetrin ashtu si dikur. Mund ta pranoj këtë. Por s’mund të pranoj poshtërimin dhe gjithë ato historitë e tjera. Është e habitshme se si njerëzit mendojnë se ndodhi shumë shpejt. ‘Një ditë ishe e lumtur në tapetin e kuq, ndërsa ditën tjetër po putheshe me një shoqe në Itali. Si dreqin?’ Epo, kishte shumë gjëra në mes të cilat ju nuk i patë.”
Miley Cyrus është e vetëdijshme se njerëzit u tronditën për faktin që ajo njoftoi ndarjen nga Liam Hemsworth në gusht të një viti më parë, fill pas kësaj u lidh me Kaitlynn Cartner, me të cilën u nda 2 javë më pas, ndërkohë që më pas u pa duke u puthur me Cody Simpson, me të cilin u nda disa javë më parë.
Miley shtoi se kur një marrëdhënie përfundon, ajo nuk kthehet pas. Ndonjëherë një gjë e tillë e bën të duket si një njeri i ftohtë, por kështu është. Sa i përket takimeve të ardhshme, u shpreh:
“Bëni mirë ta dini se çfarë doni sepse thjesht nuk kam ndërmend të shpenzoj edhe 10 vite të tjera, siç bëra me dashurinë time të parë, për ta kuptuar.”
Nuk është hera e parë që ajo flet për paragjykimet e njerëzve dhe thekson faktin që askush nuk di asgjë se çfarë ndodh realisht mes një çifti. Në tetor, shkroi:
“1. Unë e di që njerëzit ndihen të përfshirë në marrëdhënien time të së kaluarës, sepse ata mendonin se e njihnin atë që prej fillimit. Mendoj se kjo ka qenë arsyeja pse njerëzit janë përfshirë gjithnjë në jetën time dhe mënyrën si e kam jetuar, sepse më kanë parë të rritem. Por unë jam e rritur dhe bëj zgjedhje si e rritur duke ditur të vërtetat/detajet/realitetin. Njerëzit dinë atë që shohin në internet.
2. Burrat (veçanërisht ata të suksesshmit) paragjykohen rrallë. Ata lidhen sa me njërën grua të bukur me tjetrën dhe pa pasoja. Zakonisht njihen si “legjenda”, “zemërthyes”, “burri i ëndrrave” etj. Kur gratë bëjnë të njëjtën gjë, quhen “lavire”, “kur*a”. Unë po përpiqem të mbijetoj në një botë burrash. Në rast se nuk i mundim dot, le t’u bashkohemi. Nëse presidenti ynë mund ta prekë një grua nga vagina, atëherë pse unë nuk mund të puth dikë?!
(Shën.red. Miley i referohet deklaratave ekstreme të Trump-it të bëra publike në 2005-n. Asokohe, u publikua një përgjim ku shfaqej Donald Trump teksa bisedonte me moderatorin Billy Bush dhe i tregonte si ishte përpjekur të joshte moderatoren Nancy O’Dell. Trump, të cilit i dështuan përpjekjet për ta joshur, shprehej ndër të tjera në video se “mund t’i kapësh nga vagina; mund të bësh ç’të duash me to”. Më pas, ai u shpreh se ishte një bisedë private e shumë viteve më parë, për të cilën kërkoi falje).
3. Nuk preferoj që takimet e mia t’i bëj në shtëpi, sepse A. nuk është qejf dhe B. është e pakëndshme. Do të doja të ndaja aktivitetet me personin që po dal dhe të mos qëndroj e mbyllur në shtëpi duke parë filma në Netflix.
4. Të dal me dikë është një eksperiencë për mua. Nuk e kam provuar një ndjesi të tillë si një grua e rritur. Kam qenë në një marrëdhënie për pothuajse gjithë periudhën e adoleshencës dhe të 20-ave, me përjashtim të disa periudhave kur u ndamë. Të takoj dhe t’u besoj njerëze nuk është e lehtë për mua. Nuk po kërkoj që t’ju vijë keq. Kam një jetë të shkëlqyer dhe nuk do ta ndërroja për “privatësi”, por JU LUTEM mos ma bëni këtë periudhë akoma më të vështirë. Po përpiqem të shpreh veten. Mësohuni me idenë që unë do dal me njerëz të tjerë – kështu jam!”
