Dhe Oscar shkon për…Green Book. Një surprizë fitorja e këtij filmi autor. Edhe pse ishte favorit “The Favourite”, në fund fati i ka buzëqeshur Green Book. Çmimin më të rëndësishëm Oscar e ka dhënë aktorja Julia Roberts.
Ky film ishte i nominuar në 5 kategori dhe i fitoi 3 prej tyre.
Ceremonia e 91-të e çmimeve të Akademisë së Arteve të Filmit dhe Shkencës është mbajtur në teatrin “Dolby” në Hollywood, prej orës 02:00 të së hënës me orën tonë lokale. Gjatë të gjithë ceremonisë kishte emocione të shumta dhe gara ishte shumë e ngushtë.
Gjatë ceremonisë, aktori Bradley Cooper dhe këngëtarja Lady Gaga dhanë një performancë të mahnitshme me këngën e tyre “Shallow”, nga filmi “A Star Is Born”, këngë që fitoi çmimin “Kënga më e mirë origjinale”.
Ceremoninë e ndarjes së çmimeve Oscar patët mundësinë ta ndiqnit drejtpërdrejt në ekranin e Top Channel, në një maratonë me shumë të ftuar.
