Miss Argjentina dhe Miss Puerto Rico kanë kurorëzuar dashurinë e tyre me martesë.
Mariana Varela dhe Fabiola Valenti?n – të cilat konkurruan në Miss Grand International 2021 – njoftuan në mediat sociale se u martuan me njëra-tjetrën.
Ato ndanë një video-montazh të ëmbël, duke përfshirë një klip të tyre duke u përqafuar jashtë një gjykate në San Juan, Puerto Rico.
Mariana shihet e veshur me një mini fustan të bardhë me thekë me gurë për këtë rast, ndërsa gruaja e saj Fabiola ka veshur një xhaketë të bardhë me pantallona të zeza. Mbretëreshat e bukurisë gjithashtu mbanin të njëjtat veshje në një mbledhje familjare, teksa të dyja përqafohen ndërsa të afërmit e tyre qëndrojnë rreth tyre.
Mariana dhe Fabiola duket se janë takuar në mars 2021 ndërsa konkurronin në konkursin e bukurisë Miss Grand International në Tajlandë, sipas NBC News. Pas konkursit, në të cilin të dyja u renditën në top 10, Fabiola ndau një imazh të tyre duke u përqafuar në Phuket, Tajlandë.
“Një nga dhuratat e mëdha në këtë përvojë ishte miqësia jote, të ecja në këtë proces me ty ishte e veçantë dhe e vërtetë”, shkroi Fabiola në spanjisht në atë kohë. “Më mungon vajza ime @marianajvarela”.
Së fundmi, Fabiola dhe Mariana falënderuan mbështetësit që i kishin uruar për dasmën, duke shkruar se ato ishin të dyja të lumtura dhe me fat.
