Deputeti i Partisë Demokratike, Myslim Murrizi është zgjedhur nënkryetar i Kuvendit të Shqipërisë, me 92 vota pro dhe 1 abstenim, gjatë seancës së sotme plenare.
Ruçi e sqaroi këtë fakt pasi komunikoi emërimin e tij duke thënë se vota e vetë Murrizit është abstenim për të shmangur konfliktin e interesit.
Duket se jeta paralamentare në Shqipëri po i rikthehet normalitetti, të paktën nëse i referohemi numrave të deputetëve në Kuvend. Dita-ditës mandatet e braktisura nga opozita plotësohen nga kandidatë të propozuar në zgjedhje nga vetë ata. Por tashmë edhe në strukturat drejtuese të parlamentit kanë nisur ndryshimet.
Ndërkohë që po në seancën e sotme u votuan edhe kryetarët e komisioneve parlamentare që do të drejtohen nga opozita e re.
Deputetët e rinj janë emëruar anëtarë në disa Komisione Parlamentare.
Emërimi i deputetëve të rinj në Komisionet Parlamentare
-Rudina Hajdari kryetare e Komisionit për Integrimin Evropian.
-Enver Roxhi kryetar i Komisionit të Shëndetësisë.
-Jalil Jakini nënkryetar i Komisionit të Veprimtarisë.
-Fationa Dhimitri kryetare e Komisionit të Medias
-Alban Zeneli kryetari i Komisioni i Sigurisë.
-Korab Lita nënkryetar i Komisionit të Ligjeve.